زهير دعيم
على دلعونا وعلى دلعونا
دَنت أيامِك يا هالكورونا
المصل بِتحضَّر والربّ سامح
" نفقع" حياتِك زي البالونا
***
يا ويلِك منّا ويا ويلك منّا
اذا ضلّيتِك في العالَم عِنّا
رَح نقصف عُمرِكْ ونبنيلِكْ قَبرِكْ
ونجعل أيامِك أزفت ما يْكونا
***
يا دُنيا اضحكي وغنّي موّالِك
ربّي حاميكِ شو على بالِك
الغيْمة السودا والليل الحالِك
تغيَّر وتصوَّر بأجمل لونا
***
عودي وتجلّي يا امانينا
وانثري البسمة في كلِّ مينا
تلالِك مزروعة دومًا وحينا
بورد ومحبِّي وشجر الزيتونا
