كتب - محرر الاقباط متحدون
قال الدكتور أحمد كريمة، أستاذ الفقه المقارن بجامعة الأزهر :" إنتو زعلانين ليه؟ لو الراجل حب يخرج الشهوة في الحلال مش ده أحسن من الزنا؟، وكلامي على المغتربين، مفيش نص شرعي بيقول إن لازم إذن الزوجة عند الزواج من ثانية.. اللي عنده نص يطلعه.
وابدى اعتراضه على هذه الفتوى الشاعر جمال بخيت وكتب عبر حسابه على فيسبوك :
حد يقول للدكتور احمد : لو انت عندك نص شرعي يقول ان المغترب او غيره يتجوز على مراته ( في السر ) ياريت تنشره للناس علشان نستفيد بعلمك ، اولا : الاصل في الزواج ( الاشهار ) واسقاط هذا الركن يجعله شئ آخر.
ثانيا : نصف الحقيقة تساوي كل الكذب .. يعني لما زوجتك الاولى او اهلها او جيرانك او حد من أهلك يسألك ويقولك انت اتجوزت تاني وتقوله لأ .. يبقى انت راجل كداب .. وبتكدب في اكثر العلاقات قدسية بين البشر .
ثالثا : بما انه مافيش اي نص بيتناول هذا الموضوع يبقى حضرتك ( زي ما دايما بتقولوا ) ترجع للرسول والصحابة .. وتسأل نفسك : هل كانوا يتزوجون ( الزوجة الثانية ) سرا ؟؟؟!!!!! .
هل حدث هذا للرسول او لابو بكر او عمر او عثمان رغم زيجاتهم الكثيرة ؟؟؟!!! .
رابعا : عندما اعترض الرسول على زواج على ابن ابي طالب لأن ذلك ( يؤذي ) فاطمة .. هل كان ذلك استثناء ( ديني ) لفاطمة فقط ؟؟؟ أم ان هذا الموقف معناه ان الزوجة الاولى يجب ان تعلم وتوافق ايضا.
طبعا انت عارف حديث وأيم الله لو سرقت فاطمة بنت محمد لقطعت يدها، يعني اللي يمشي على عموم المسلمين والمسلمات يمشي على فاطمة بنت الرسول .. وكذلك اللي يطبقه الرسول على ( فاطمة وعلى ) يُطبق على عموم المسلمين.
وأخيرا .. اللي عنده نص يقول ان اي صاحب عقل ومعرفة يتوقف عن التدبر في امور دينه ويمشي ورا ( أصحاب القداسة ) كالبهيمة التي لا تملك عقلا.
