ادم في الجنة وادي حواء معاه
فرحان بوجودك عايش وياه
والحية دي شاركت إبليس في غواه
أكلوا من الشجرة فتح عيناه
بيهرب من وجهك عريان تلقاه
وصنعت له توب من جلد الشاة
وآهو ترك الجنة ومصير يلقاه
وادي حكم الموت آهو يستناه
تايه كنت عايش في الضلمة
مبقاش عندي أمل في حياة
كل حياتي عتمة وظلمة
وأنا شقيان وب اصرخ آه
عدلك دبر، ويا الرحمة ترد خطاه
ويسوع آهو جاني و مسامير في يداه
بخلاص مجاني والغلبة معاه
على الخشبة بيصلب وأتم فداء
أبطل حكم الموت وعتقني
رجعني تاني لسماه
بصليبه آهو سحق الحية
غلب الموت واداني حياة
وبقيت أنا وارث الملكوت
هلقي يسوع وأعيش وياه
مبقاش فارق عندي الموت
قام من الموت وأقامنا معاه
✍️ ممدوح الديري ✍️
