بقلم الدكتور ماهر حبيب
لماذا يشترى المغترب ايفون من الخارج؟
علشان ارخص بكتير
ولماذا يكره المغترب شراء سيارة من الخارج؟
لأن الحكومة بتكسب فيها اكتر من صانعها
ولماذا يهج المواطن للخارج؟
علشان الحكومة مغلية العيش والعيشة واللى عايشينها
ولماذا يبحث الطبيب على عقد عمل خارجى؟
علشان الحكومة بتكره الدكاترة وبتخليهم شحاتين وكمان نتيجة سياسة ان ضرب الطبيب من حق المريض
ولماذا يطلب الوالد من المغترب كيلو مكسرات وهو جاى؟
علشان تمنه فى مصر قد معاش ابوه
ولماذا تغازل الحكومة المغترب ساعات ساعات؟
علشان يجيب دولاراته معاه
ولماذا يهاجر المصرى ؟
علشان العيشة بقت نار يا حبيبى نار
ولماذا يطفش الفنان؟
علشان الحكومة فاكره ان الفن حرام
ولماذا جدبت مصر من الأدباء والمفكرين؟
علشان الحكومة فاكره ان الفكر بيجيب الهم فبلاش تفكر يا مفكر
ولماذا يفكر المصرى فى شراء توك توك؟
علشان هو ده المصدر الوحيد اللى الحكومة سايباه مصدر رزق من غير ما تدس انفها فيه
ولماذا تترك الحكومة الشيوخ يتخانقوا مع بعض؟
علشان خليهم يتسلوا
ولماذا تكره الحكومة الديموقراطية؟
علشان الواد ابو سويلم قالها ان الديموقراطية كفر والعياذ بالله
ولماذا يفكر المصرى ان يكون امريكياً؟
علشان كل مصرى يفكر لو لم أولد مصريا لوددت ان اكون امريكياً
ولماذا يا عم بتكتب الكلام ده وتنكد علينا؟
علشان الحكومة حا تشيل العدة واللى معاه تليفون يبله ويشرب ميته
ولماذا!!!!!
