كتب – نعيم يوسف
وجه الرئيس عبدالفتاح السيسي، رسالة إلى طيارين شركة مصر للطيران المستقيلين، قائلا: "احنا مش كل حاجة بناخدها في جيوبنا، وإحنا مش اتفقنا إننا هنبذل جهد لمدة سنتين مع بعض، وعشان نوقف تاني من الوقعة اللي فيها دي".

أضاف الرئيس، خلال كلمته في الندوة التثقيفية، التي أقامتها القوات المسلحة اليوم، الخميس، بمناسبة عيد تحرير سيناء، "إحنا اتفقنا إن ظروفنا كتير صعبة"، موضحا، "احنا اتفقنا نستنى سنتين مع بعض طيب أنا تراجعت عن اللي عملته، وأنا عند كلمتي وعايز أنهض بالبلد".

وتابع: "طيب وأنتم تعرفوا هي مصر للطيران بتكسب وبتخسر، يعني وهي بتموت، آخد منها برضه، وأنا بوجه كلامي لكل الناس، لازم نستحمل سوا، ونعبر من الأزمة اللي إحنا فيه".

أكد السيسي أنه على علم تام بالظروف التي يعمل فيها الطيارون، وأنهم يتقاضون راتبا أقل من الراتب العالمي، وقال: "هل تعتقدوا إني مش عايز أساعدك في ظروفك، وإني مش شايف إن دخلك في نفس المهنة بدول أخرى أقل".

الجدير بالذكر أن عددا كبيرا من طيارين شركة مصر للطيران، أعلنوا عن استقالتهم الأيام الماضية نظرا لأنهم يتقاضون رواتب أقل من الرواتب التي يتقاضاها أمثالهم في شركات الطيران في الدول الأخرى.