كتب - محرر الاقباط متحدون
وجه الاعلامي احمد سالم رسالة جديدة للشعب المصري، عبر حسابه الخاص على فيسبوك ، وجاء بنصها :
احنا مش هاينصلح حالنا غير لما نلوم المتحرش علي تصرفاته الحيوانية مع المحجبة والمحتشمة والأجنبية مش ايه اللي وداها هناك او شوفوا هي لابسه ايه.
لما يضايقنا منظر رجل بيضرب مراته مش رجل بيطبطب علي مراته، لما نعتبر دعاة الرفق بالحيوان ناس عندهم رحمة مش ناس مرفهة و فاضية مش فارق معاهم الرفق بالإنسان .
لما ننفعل لمنظر طفل بيعذب حيوان بدل ما نضحك علي شقاوته ونقول واد مشكلة .
لما نقتنع إن اللي بيخلف ١٠ عيال ده هو السبب في فقره وفقرنا مش واحد متوكل علي الله والدولة أكلت حقوقه.
لما نهتم بعلاقتنا الشخصية بربنا مش بعلاقة اللي جنبي و اللي قدامي بربنا .
لما نولع الدنيا بسبب صورة طفل عريان في البرد مش صورة فستان عريان في مهرجان السينما،
لما نقبض علي اللي بيرمي الزبالة في الشارع مش علي شاب في كمين عشان بطاقته منتهية.
لما نبلغ عن موظف فاسد بدل ما نقول علي الموظف الشريف فقري ويوقف المراكب السايرة.
الرسول عليه الصلاة والسلام لما سئل عن الإيمان كان رده ما وقر في القلب و صدقه العمل واعتبر الاضرار بالناس والشرك بالله هي الكبائر ، لازم نفوق من اكذوبة المتدين بطبعه لأنها بتسيء للدين قبل ما تسيء لنا ،لأن المتدينين بجد لازم يكون حالهم غير كدة خاااالص.
