كتب – محرر الاقباط متحدون ر.ص
قال الناشط الحقوقي محمد السماك، فيديو انتشر امبارح لكام طفلة بيدوسوا علي قطة صغيرة لحد ما موتوها ومشغلين أغاني كمان مش هقولكوا إني مقدرتش أكمل الفيديو ولا صوت القطة عمال يرن في ودني لا هقول أن حسبي الله ونعم الوكيل في الأهالي اللي بتطلع عيال مش سوية زي كدا واللي مفترض هما اللي يتحاسبوا علي اللي أطفالهم بيعملوه ده وبتمني وبترجاكم محدش يخلي الفضول ياخده انه يشوف الفيديو انا هسيب صوره بس منه في الكومنتات."
وتابع عبر حسابه على "فيسبوك"، مش لاقي اي تفسير للربط اللي رابطينه ليها ولا الهبد برجل البنت علي القطة والأغاني اللي في الباك-جراوند وهما بيضحكوا غير ان الأطفال وانا اسف اني بقول الكلمة دي بس هما أطفال فعلاً ومعرفش ليه ممكن حد يعمل كدا في حيوان وايه الدافع او المبرر اللي مر بيه يخليه يعمل كدا تخيل تفضل تبقي بتجلد عيالك وكل تفاهمك معاه بالضرب والشتيمة والتهزيق وكل علاقته ليك علاقة خوف ومنتظر من ابنك او بنتك يطلعوا أسوياء مفهمش غلطة وناجحين في حياتهم ودراستهم وشغلهم."
واختتم :" أخر ما هقدر أقولوا أرجوكم كفاية تطليع جيل معقد نفسياً باللي بتعملوه فيهم كفاية جري ورا مبدأ اكسر لبنتك ضلع يطلعلها عشر ضلوع دا كفاية ... بتمنى أهل الأطفال دي يتحاكموا بتهمه الإهمال والأطفال تُستَودَع في أي دار رعاية أو ملجأ .. بعد الفيديو دا أنا أتأكدت تماما أن مفيش كائن مؤذي وخطر علي الطبيعة غير البشر.
