ديڤيد ويصا
فيه مقولة في كتاب "الدسقوليّة" ..
أو الكتاب المعروف باسم "تعاليم الرُّسُل"
بتقول: "امحُ الذّنب، بالتعليم."
--
يعني ..
عاوز تحمي الناس من سلوك غلط؟
عاوز تحميهم من أفكار غلط منتشرة؟
عاوز تحميهم من أشخاص استباحوا منابرهم ليهم؟
عاوز تحميهم من تيار بيخاطب مشاعرهم ويلغي عقولهم؟
عاوز تحميهم من ثقافة بتشتّتهم وتخدّرهم؟
عاوز كل ده؟
الحل هو: علّمهم بحسب كلمة الله!
--
لكن طول ما منبر كنيستك معندوش تعليم وتلمذة ..
طول ما بيتقمّص دور التنمية البشرية والطبطبة ..
طول ما بيقلّد توجّهات كاريزماتيّة متطرّفة في فكرها وسلوكها ..
طول ما بيقدّم إنجيل مزيّف متوافق مع مبادئ العالم ..
طول ما بيتنازل عن مبادئ مسيحيّة عشان يضمن العدد ..
طول ما بيخاف يتكلّم عشان ميزعّلش حد!
متنتظرش أبدًا انك تعرف تمحي الذنب ..
لأنك في الحالة دي، هتكون مشارك فيه وداعم ليه!
ديڤيد ويصا
