كتب - محرر الاقباط متحدون
استنكر المفكر والطبيب خالد منتصر، جريمة مروعة بمنطقة الصف بالجيزة، حيث اقدم شقيقان على إلقاء شقيقتهما حية ومربوطة بحجر في نهر النيل بالصف، وأقر الشقيقان أمام جهات التحقيق بأن ارتكابهما جريمة القتل كان بهدف تأديب المجني عليها لمخالفتها العادات والتقاليد داخل منزلهم، وطفت الجثة على سطح نهر النيل، فتم اكتشاف الجريمة.
وكتب منتصر عبر حسابه على فيسبوك :" البنت في العالم كله ملك نفسها، في بلادنا البنت ملك أبوها واخواتها وعيلتها وجيرانها وجوزها وأهل جوزها واولادها، واللي راكبين الميكروباص معاها، واللي ماشيين في الشارع جنبها، واللي باصين عليها م البلكونة ،والشيخ اللي بيجيب سيرتها ع المنبر ،والاعلامي وضيوفه اللي بيعملوا كل الموبقات وجايين يتطهروا قدام الشاشة والمراهقين اللي بيشموا وهاريين نفسهم أفلام بورنو ومش فالحين إلا في التسلط عليها !!!.
مضيفا :"كل بشر وكل حجر عندنا في حالة وصاية مزمنة على تلك الغلبانة التي تسمى أنثى!!!، هذا البوست ليس موجهاً فقط للبنت اللي عايزه تحافظ على أنوثتها بل هو موجه أيضاً للرجل اللي عايز يحافظ على رجولته فالرجولة في جوهرها انسانية والشرف ضمير، الشرف أرقى من نفايات جسد الشرف قداسات وارتقاءات روح.
