بقلم / عادل غبريال
قلوب الناس ليه ؟! بقت حجر
وماعدش فيها حب ولا رحمه
جرى إيه ؟! غير قلوبنا يا بشر
قساها خلاها أسود من الفحمه
#أنا أم شنوده 💔💔💔
عشت عمري .محرومه م الولاد
ولما لاقيت مولود في الكنيسه
شكرت ربي🙏 والروح فيا عاد
وكنت على تربيته ديماً حريصه
#أنا أم شنوده 💔💔💔
صحيح شنوده مش أبن بطني
لكنه أصبح💞 حته من روحي
حسيت إني . وجدته ووجدني
ومعاه ألتأمت آلامي وجروحي
#أنا أم شنوده 💔💔💔
رجع لحياتنا البهجه والسعاده
ولا يوم حسينا . إنه مش إبننا
حبنا ليه كان حب فوق العاده
ونظره وحده ليه بتزيد فرحنا
#أنا أم شنوده 💔💔💔
وهبنا حياتنا كلها ليه . وعمرنا
لاقينا فيه العوض بعد الحرمان
وقلنا إنه أجمل عطيه . من ربنا
رجع لدنيتنا كل الراحه والأمان
#أنا أم شنوده 💔💔💔
إذاي بعد دا كله تاخدوه م حضني
خدوا روحي وحياتي بس سيبوه
يا ناس . شنوده مبقاش بس إبني
دا كل حياتي وروحي👫أنا وأبوه
#أنا أم شنوده 💔💔💔
في أي عرف ودين يحصل كل ده
طفل ليه أب وأم بتخلوه ليه يتيم
هو فيه حاجه؟! في الدنيا ذي كده
خدوني خدامه وتحت رجليه أقيم
بس عينيا تشوف من تاني شنوده
#أرحموني ورجعولي أبني وروحي
رجعولي شنوده
#رجعوا روحي لروحي
#أنا أم شنوده 💔💔💔
#بقلم / عادل غبريال
