كتب:محرر الأقباط متحدون
أكد الإعلامي عمرو أديب؛ خلال برنامج "الحكاية" المذاع على قناة "إم بي سي مصر": أن هناك رسائل كثيرة قد خرجت من افتتاح قاعدة 3 يوليو على البحر المتوسط لافتا أن تواجد الشيخ محمد بن زايد وسعادته بالتطور الذي يحدث في مصر رد على الكثير من الشائعات.
وقال أديب "عمرك ما تشك في أخوك؛ أتعلمنا كدة ومحمد بن زايد دة أخوك والشيخ زايد دة أبوك بيحبوا مصر زي ما بيحبوا الإمارات بالظبط مصر حتة من إيديهم".
وأضاف: "النهاردة كان في رسائل متعددة وهامة الأهم يا مواطن يا مصري لما تقول هو أنا فلوسي فين؛ أهيه؛ روح شوف الوكالات الأجنبية في العالم بتتكلم عن الأمر ازاي".
وتابع: "هسألك سؤال لضميرك بدون متكون متخصص في الجيش؛ هل الجيش المصري اليوم أقوى من 2011 والا لا حب السيسي أو أكرهه هل جيش مصر أقوى والا لا تنويع مصادر السلاح؛ كان التسليح دولة واحدة أو اتنين ومتقدرش تتورب يمين أو شمال كان بيقول المسمار دة مش هتاخدة الطيارة دي تفضل واقفة كدة".
واختتم: "دلوقت عندك من كل مكان روسي أمريكي فرنسي إيطالي؛ الغواصة رمز قوة في الجيوش كل دة اتعمل أمتي أتعمل في وقت العالم كلة مش عايز يتعامل معاك".
