مأساة ميمون

بقلم محفوظ مكسيموس
كان فيه شاب جميل أسمه مينا بيحب الرسم جدا والفنانين لدرجة أنه كان متفوق جدا دراسيا بس عايز يبقي فنان وإشتري كتاب ( بستان الرسام ) و قعد يقرأ فيه ويستمتع به لدرجة أنه تقريبا حفظه وعرف كل قصصه اللي إثارتها أعلي بكتير من كتاب ( ألف ليلة وليلة ) و خيالها أقوي من أفلام زينة وهركليس . المهم يا عمنا مينا قرر يروح يقضي عمره في ( محراب الرسامين ) وإختار المحراب اللامع اللي كتاب ( بستان الرسام ) كان بيمدح فيه جدا و طبعا مينا راح هناك وهو كله شغف لرؤية ( كواكب المحراب ) اللي قرأ عنهم و يشوف معجزات الرسم اللي بيعملوها و عظمة الرسامين اللي سمع عنهم كلام أنهم أعظم ( رسامين في الكرة الأرضية ) و دخل مينا المحراب بس جوة المحراب أدوله أسم جديد يليق به كرسام جديد فسموه ( ميمون ) وبدأ ميمون يدور علي كواكب المحراب علشان يتعلم منهم و يبقي واحد منهم لكن ميمون فوجئ إن الرسام الأعظم بيرسم صور خيالية يعني بس علي ورق و مينفعش الصور الجميلة دي تترسم في المحراب لأنها معمولة للناس اللي برة المحراب ينبهروا بيها ويحبوها بس جوة المحراب كل الصور كئيبة و حزينة وسوداء فقرر ميمون يدور علي حد غير الرسام الأعظم يمكن يأكدلوا الصورة اللي قرأ عنها في ( بستان الرسام ) أو شافها في لوحات الرسام الأعظم ولكن للأسف ميمون إكتشف إنها مجرد وهم و خداع و مفيش حاجة

من المكتوبة في ( بستان الرسام ) تمت للحقيقة بصلة وإن كل الرسامين اللي في المحراب بيعانوا ومعظمهم مرضي نفسيين و بيعانوا من بلاوي زرقا . ومقسومين شوية ولائهم للرسام الأعظم وشوية لرئيس المحاريب و عداوات وأحزاب ومحدش تقريبا عنده وقت ( للرسم ) ولا ( للإبداع ) غير الرسام الأعظم اللي عايش في مصيف جميل وبيقابل علية القوم و طبعا حاول ميمون يرضي يالواقع و يكمل في المحراب اللي حلم بيه طول عمره واللي ( بستان الرسام ) غسله مخه وخلاه هايم بيه وبعد ما الرسام الأعظم مات دخل رئيس المحاريب وغير سياسة المحراب و قلب النظام ولكن ذادت الطينة بلة وأوضاع الرسامين ساءت جدا و تدهورت مواهبهم الفنية و بدأو الحرب ضد بعضهم لدرجة إن رسام صغير هو واحد زميله قتلوا الرسام الأعظم الجديد و بعد كدة راح في الرجلين ميمون و ٥ صحابه وإتوزعوا علي محاريب مختلفة ومن شدة الضغط النفسي والظلم اللي حس بيه ميمون مع وجود الشبحية النفسية اللي صنعهاله كتاب ( بستان الرسام ) و العاصفة الدماغية و المتناقضات كره ميمون كل المحاريب وكفر ب( الرسم ) جدا وقرر أنه ينتحر وينهي آلالام الإحساس بالظلم و القهر و كذب الكتاب الملعون

اللي طلع كله مجرد أساطير و أوهام . وفعلا ( إنتحر ميمون ) بس لسة كتاب ( بستان الرسام ) موجود وهيبقاله ضحايا كتيييير في كل محراب . لازم تحاسبوا كتاب ( بستان الرسام ) هو السبب وكل كتب شبه الكتاب ده هي السبب وكل رسام أعظم كداب وحتي رئيس المحاريب بايع القضية و مش فارق مع دم ميمون ولا أي مغفل شبه ميمون . رئيس المحاريب مش فاضي من المعارض الدولية لأنه تقريبا عايش في الجو وكل يوم في دولة شكل . ومات ميمون ورجع علشان يدفنوه في المحراب اللي كان السبب في إنتحاره. ( ولأنه ركز علي القدوة الروحية البشرية ولم يضع المسيح كقدوة مطلقة ودا الطبيعي جدا مادام لنا آلهة بشرية و كتب محتاجة تنقيح لو هدف ميمون كان المسيح مكانش أعثر لا في الرسام الأعظم ولا كان إتضحك عليه من كتاب ( بستان الرسام ) ) و الغريبة يا مؤمن إنهم غيروا سبب وفاة ميمون علشان يحافظوا ع البيزنس والسبوبة يا تري القصة خلصت ولا لسة زمايل ميمون ه.........
ملحوظة القصة كلها من وحي الكاتب.