الراهب الأمين

بقلم:  نشأت عدلي

يا نجمة عالية في السما        عاشقة لكل السمائيين
فجأة ظهرت بالنور            وجريت للنورانيين
كطائر للحب السامي           طاير ويّا العاشقين
تصلي، ترنم، تسّبح            راكع طول السنين
إيديك دايمًا لفوق               والقلب والعقل ساجدين 
حياتك صلاة وإنجيل           ودموع لرد التايهين
وهدفك توبة نقية               لكل المسيحيين
لا منصب أ غراك            أو نسّاك الهدف الثمين
همّك حب المسيح             وناره تكوي القلب الأمين
الحب مالي قلبك              وعايز الكل محبين  
يا أبانا المعلم القديس         انعم بحضن القديسين
ياما كتبت عنهم              وهمَّ بيك فرحانين
أجيال أنت ُمعلمهم           فأصبحوا لك شاهدين
وأجيال تانية علمتهم بالحب   فكبروا وبقوا أشّد اّلائمين
عشان تعليمك يابويا من      المسيح فكانوا ليك ناقدين
بس كل كلمة قلتها           منحوتة في قلوب المحبين
لهفي عليك يا أبويا          جرّحوك وأنت راهب مسكين
ماضيعتش وقتك معاهم      وكان ردك كتاب ثمين
أو مقالة من أقوال الأباء           وصلاة حارة لرد المسيئين 
منهج رهباني أصيل                وقلب مليان حب وحنين
محارب هادئ وشجاع             في أيدك صليب وإنجيل مرفوعين
أيام الريان تشهد لك                بالحب والوحدة للإله المعين
والركبة المنحنية تصرخ تقول     الرب يسامح كل الشامتين
ياأ بونا متى إمتى نلاقي راهب     زيّك يكون راهب أمين
أبو مقار فرح برهابنك الحقيقيين    وأنت بقيت نور للقرن العشرين
يا شمعه هيفضل نورها قايد         وتبقى دليل لكل الناسكين
اللي بحقّ المسيح يعيشوا            والرب قدامهم قائد للصادقين

أهديها إلى روح أبى القديس الأب متى المسكين أب رهبنة القرن العشرين