مجدى نبيل فؤاد
حزر فزر يا مرسى الاخ مرسى فى خطابه الاخير امام الاحزاب الاسلاميه لحل ازمه سد النهضه فكرنى ببرامج المسابقات التليفزيونيه هذه الايام مثل حزر فزر فى التليفزيون المصرى والتى تم استنساخها من التليفزيون اللبنانى تبص تلاقى صوره للفنانه شريهان بكامل ملامحها والمذيع يبدء المسابقه معانا فنانه جميله كلنا بنحبها واستمتعنا بفوازير رمضان اللى كانت بتقدمها زمان ويرن التليفون ونقول الووو مين معانا لمياء من العجوزه ايوه يا لمياء عرفتى الاجابه اه الاجابه حسين
الشربينى ياه اجابه جديده طيب نسأل الكمبيوتر كده ولمياء يا عينى تتحنن فيه وتقولوه لا اوعى تقولى الاجابه غلط هازعل خالص ما هو حسين الشربينى كان بيعمل فوازير رمضان كمان للاسف يا لمياء الاجابه غلط بس كسبتى معانا والاجابه غلط ومع ذلك كسبت لمياء كسبت الف جنيه شحن رصيد والف جنيه نقديه وتكييف عشان الحر يعنى المجموع لايقل عن سته الاف جنيه والاجابه غلط اساساً ولسه الاجابه غلط وهى عارفه كده زى الاخ مرسى لغايه الان مفيش اى حل
وصلناله مع اثيوبيا بخصوص سد النهضه وهو عارف كده ومع ذلك بيطمن الشعب مفيش قطره مياه سوف تنقص من مصر طيب ازاى معرفش والغريبه ان الناس الاخوانجيه بتسقف وبتهيص وبتقوله شعر هى الناس اللى سقفت دى اخدت شحن الموبايل والنقديه طيب اتأكدت ان التكييف وصل ولا لسه طيب لمياء دى شغاله مع البرنامج قاعده فى غرفه الكنترول وبتتكلم مره مصرى ومره خليجى ومره مغربى وكله بتمنه لكن الشعب المصرى مش كله لمياء يا ريس
