بقلم - أماني موسى
دلوقتي حضرة الدكتور عنده مشكلة مع سيادة امين الشرطة.. فهمناها دي، تطلع في مظاهرة ماشي شغال، تطالب بحقك وتعبر عن رأيك زي الفل.
لكن تقولي يسقط حكم عسكر والسيسي مش عارف ايه !!! اشم ريحتك اللي مش نضيفة زي أهدافك وايديك يا سعادة الطبيب.
مشكلتك مش مع حكم العسكر ومتخلطش الحابل بالنابل وشغل الينايرجية أبو ريحة دة يطلع.
مشكلتك مع أمين شرطة يتحاسب بالقانون على فعلته وشكرا .. خلصت الليلة، مش تقولي نسقط حكم وعروقك تنتفخ.
وبالمناسبة يا دكتور الشعب كمان له عندك مش حق واحد، بل حقوق، من عينة أنك بتموته ولا بترفض تستقبل حالة حرجة ولا بتخلص على حالة عشان مفيهاش أمل ولا بترتكب أخطاء قاتلة ولا بتبيع أعضاء ولا اطفال حديثي الولادة و و و القائمة لا تنتهي.
كفاية تجارة والأخت منى مينا أيقونة اللي مش عارف ايه لما اتحطت في منصب بالنقابة معرفتش تحرك نملة، كل من عالبر عوام ولما اتحطت في القيادة معرفتش...
كله بيطالب بالحقوق أما عند الواجبات اعمل نفسك ميت.
كفانا تجارة بالوطن.
