سهير وهبه
المسافة بين الأرض والشمس ، هي اللي حمت الكون من الإحتراق والتجمد
المسافة بين الكلمة والكلمة ، هي اللي خلتنا نعرف نقرأها ونفهم اللي بيتكتب
المسافة بين العربية واللي قدامها ، هي اللي حافظت على الأمان بينهم ، وعدم الإصطدام
المسافة بين الكاميرا والشخص ، هي اللي خلت الصورة تطلع حلوة
ظبط المسافات وهندستها بدقة ، هي التي أنتجت كوناً رائعاً ، من صنع الله
لو عايز حياتك تستمر ، بأقل قدر من الإحباط والخسائر ، حافظ على المسافات
الخطوات المحسوبة مش معناها غرور وتكبر ، بالعكس خالص ، معناها إنك عايز تحافظ على إحترامك للآخر ، وإحترام الآخر ليك
كل انسان عنده عيوب وأخطاء ، ومع إقترابك الشديد من هذا الشخص ، بتكبر في عينيك العيوب والأخطاء ، كأنك قربت المسافة بعدسة مكبرة ، فالصورة بتفقد جمال تفاصيلها ليه ؟ علشان إنت قربت أكثر من اللازم
أوقات بنفتكر إن رفع التكلفة بيقربنا لبعض ، في حين إن رفع التكلفة قد يكلفنا الكثير ، أولهم خسارة هذا الشخص
علشان كده ، لكي يبقى الجميل جميلاً ، إبدأ من الآن بإتقان فن المسافات ، وعلى رأي أجدادنا زمان : (إبعد حبة ، تزيد المحبة)صباح الخير على الجميع
