كتب - محرر الاقباط متحدون
علق المفكر والطبيب خالد منتصر، على حادث دهس سيارة تريلا مجموعة من السيارات من على جسر بمنطقة المريوطية بالجيزة.
وكتب منتصر عبر حسابه على فيسبوك :"ايه اللي بيحصل ده؟؟! ما هذا العبث ؟! ومتى ترعرع في وادينا كل هؤلاء الرعاع ؟! احنا بنلعب بلاي ستيشن ؟! ، تريللا فجأة تدهس عربيات وتوقعهم ع المريوطية جنب المتحف الكبير !!!، ده المفروض سواق واخد رخصة وراكب الديناصور ده وماشي يقتل في الناس ويدوس ع البشر .
مضيفا :" هذا النموذج منه عشرات الألاف ، وقاعدين يدهسوا فينا ويبرطعوا ويسوقوا على ١٥٠ ويمشوا عكسي ع الطرق السريعة ولا ضابط ولا رابط ، حيتكرر الحادث ده ألف مرة وأطفال مدارس حيروحوا فيها واحنا لسه بنتفرج على هؤلاء الضباع عفاريت الأسفلت المبلبعين ترامادول ومحسوبين علينا بني ادمين ، منتهى الغضب ، منتهى القرف منتهى الحزن.
