د.امير فهمي زخاري

أى مريض بيشتكى من ألم فى المنطقة العليا فى منتصف البطن(هتلاقوا صوره مع البوست) لازم يعمل رسم قلب مش هيكلفك حاجه ومجانا في المستشفيات الحكومية لحالات الطوارئ مهم جدا  لإستبعاد وجود قصور أو جلطات بشرايين القلب والمرضي في الغالب بيفتكروها حموضه أو حرقان في المعده وياخدو كيس فوار راني أو حقنة زانتاك للمعده او امبول مسكن ثم يموت بعدها بدقائق معدودة .

وبالاخص فى الأحوال الاتيه و تبقى جريمة لو ماعملتش رسم قلب : 
1.مريض يعانى من مرض السكر (مهما كان سن المريض أو قصر وطول فترة السكر).
2.مريض يعانى من ارتفاع ضغط الدم.
3.مريض يعانى من ارتفاع فى دهون الدم .
4.المرضى كبار السن.
5.المدخنين حتي لو عمره 18 سنه.
6.مريض عنده تاريخ مرضى فى العائله لقصور بشرايين القلب او المخ او الاطراف.
7.مريض عنده  تاريخ عائلى لموت مفاجئ غير معروف السبب.
8.مريض عنده ألم فى منطقة أعلى البطن مصحوب بعرق غزير أو انخفاض شديد بضغط الدم.
طبيب الطوارئ هيفحصك ويقيم حالتك ومدي الخطوره ويعمل رسم قلب إذا لزم الأمر  لإستبعاد وجود أي قصور بشرايين القلب أو جلطه وانت في الطريق خد 4 أقراص إسبرين أطفال إمضغهم وخلي بالك الوقت هنا من ذهب كل ما المريض إتلحق بدري.
📍️بنبه تاني مش كل ألم في الصدر يعني جلطه لا ، في أسباب كتير جدا تعمل الألم دا لكن كل ألم في الصدر لازم يحترم جدا ونخاف منه والوحيد اللي يطمنك هو فحص دكتور ليك وعمل رسم قلب لو رأي الطبيب ذلك.
اضافه...
مذيعة ماسبيرو شيرين الدويك التى توفاها الله منذ أيام! بسبب ألم فى المعده وقولون الى آخر هذا الكلام! 
طبعا تشخيص خاااطئ... 
والتشخيص كان جلطه فى شرايين القلب ..
اتمنى ليكم السلامه والعافيه...