كتب: محرر أقباط متحدون
بعد عودة شيرين عبد الوهاب لحسام حبيب، انتظر العديد من الجمهور تعليق الإعلامية رضوى الشربينى التى عرفت بمواقفها الخاصة بكرامه المرأة.
ولكن المفاجأة أن رضوى جاء رأيها عكس كل التوقعات وفي برنامجها المذاع على قناة cbc سفرة، قالت رضوى "احنا مالنا من امبارح والسوشيال ميديا مقلوبة اين كرامتك ياشيرين، وبالرجوع لكل البرامج لم اجد مداخلة واحدة لحسام حبيب يهين فيها شيرين اويتكلم عنها وحش، ولكن اللى عمل مداخلة كان اخوه ودة اللى رفضته والدتها من حقها تقلق عليها لكن اخوها اللى عمله مش صح.
وأضافت رضوى مابحبش اتكلم في حاجة مش عارفاها واتكلمت مع شخص قريب من شيرين وشرحلى كل حاجة ودخول شيرين المستشفى وازاى حسام كان هناك وسارة الطباخ ، وعرفت كل الموضوع ودى حاجات محدش بعرفها، بس حسام ماغلطش في شيرين نهائى.
ولكن رسالة لشيرين" انتى شخصية مؤثرة اللى مايعرفش الموضوع هيقولك انى معندكيش كرامة، واللى بيحبك اوى هيقلدك، خصوصا انتى خرجتى وقولتى انا ممكن اخد اى حد ومارجعش لحسام، ارجوكى كفاية عك واقفلى على حياتك الشخصية.
