كتب - محرر الاقباط متحدون
قال احمد سالم '>الاعلامي احمد سالم :" مش بحب اتكلم في الكورة كتير عشان محدش من أصحابي الاهلاوية الغاليين يزعل بس بجد انا مذهول و مستغرب من طريقة معظمهم في التعامل مع النتائج الحالية لفريقهم، بالصدفة النهاردة اتفرجت علي مباراة بين فريقين فوجئت ان اللي لابس احمر فيهم هو الأهلي !!!!!.
مضيفا عبر حسابه على فيسبوك :"٩٧ دقيقة من العك الكروي ولا كأنه ماتش بين نسيج حلوان و مشلتت البحيرة ،مفيش خطة مفيش جماعية مفيش إبداع مفيش هجوم مفيش دفاع مفيش مدرب مفيش كورة مفيش روح ، تحسهم فريق هوكي جليد او كرة ماء ضل طريقه الي ستاد القاهرة ، أوفسايد ايه و بنالتي ايه اللي بتتكلموا فيه في ظل أداء يستحق المساءلة الجنائية؟؟؟.
كما اضاف :" ظلم ايه و حكام ايه بس اذا كان الفريق كله عايز يطلع من الملعب علي إدارة التأهيل المهني ،.ببساطة شديدة الفرق بين الأهلي و الزمالك حاليا هو الفرق بين حكمة. و ذكاء أمير مرتضي منصور و تهور و اندفاع سيد عبد الحفيظ ،الفرق بين روح امام عاشور و زيزو و استهتار و تخاذل لعيبة الأهلي، الفرق بين قيادة شيكابالا و عدم وجود قائد للأهلي من بعد عبدالله السعيد.
لافتا :" الأهلي كان ومازال فريق كبير جدا بس واضح ان في حاجة غلط اوي و ياريت أصدقائي الأهلاوية يفكروا في تفسير منطقي لحال الفريق بدلا من الأوهام اللي بيسمعوها من علاء صادق و مواقع التعصب اياها عن المؤمرات الكونية ضدهم و ازاي بايدن و بوتين اتدخلوا بنفسهم لمحاربة الأهلي.
