كتب - محرر الاقباط متحدون
اجتاح الحزن رواد مواقع التواصل الاجتماعي، لوفاة يوسف السيد راضي أشيك واشهر بائع فريسكا في مصر والذي كان اصاب نجاحا كبيرا في هذه المهنة.
ولقي الشاب البالغ من العمر ٣٢ عاما، مصرعه اليوم على طريق العلمين فى حادث سيارة.
وتداول رواد موقع فيسبوك منشور منسوب لحساب باسم (مينا نسيم) وجاء بنصه :
الشاب دا اسمه يوسف كان بيبيع فريسكا في محطه رشدي في اسكندريه ، طلع تريند من فتره لانه كان بيبيع بطريقه فيها ابتكار شويه وكان مهتم بمظهره جدا عشان الناس متحسش انه بيشحت او انه اقل من حد .
اتهان كتير وناس اتريقت عليه لكنه مفرقش معاه حد لانه كان شايف هدفه في الحياه ، اكتر حاجة احترمتها فيه انه كان عايز يعيش بكرامه ويكسب بتعبه وعرق جبينه دون ما يستسلم او يكره دنيته اللي عايشها او يحتاج لحد ، وبالطريقه دي كسب احترام كل اللي اتعامل معاه رغم بساطه اللي بيبيعه .
للاسف الشاب دا مات امبارح وساب وراه ولاده ومراته ، كان عايز يوصل لهدفه لكن ربنا كان ليه اراده ومشيئه تانيه ، مات لكنه ترك لينا ذكري جميله وامل في ان الحياه محتاجه حد زي يوسف عشان يعرف يعيش الدنيا دي بأحترام ويتأقلم معاها من غير ما يديها فرصه تكسره ، مات لكن ذكراه مماتيتش
ربنا يرحمك ويصبر ولادك ويعوضهم غيابك.
