كتب - محرر الاقباط متحدون
ابدى الاعلامي احمد سالم غضبه الشديد، بسبب منح اجازة طويلة للقطاع الخاص في عيد الاضحى المبارك، لما لذلك من تداعيات على الاقتصاد .
وكتب سالم عبر حسابه على فيسبوك :
عزيزي وزير القوي العاملة ...هو ايه علاقة حضرتك بأجازات القطاع الخاص؟؟انت متخيل حجم الضرر الاقتصادي لما الإنتاج في جميع مصانع و شركات مصر يتوقف تماما لمدة ٨ أيام ؟.
هل ده يصح في بلد نامية و انتاجيتها محدودة بالمقارنة بعدد سكانها؟؟ و أجازة ايه اللي سيادتك عايزها مدفوعة في حالة تشغيل العمال اذا كانت الشركات مش قادرة تدفع مرتباتهم الأصلية بسبب الركود و الدولار ووقف الاستيراد ؟؟.
سيادتكم أحرار في اجازة القطاع العام و الشركات الحكومية و البنوك رغم تحفظي عليها ، لكن ايه علاقة القطاع الخاص بالقرارات العجيبة دي و طول عمر اجازة العيد يومين او تلاتة بالكتير ؟؟.