كتب - محرر الاقباط متحدون
كشف الاعلامي احمد سالم، ازدواجية المعايير في مجتمعنا، حيث يحتفي الملايين بلاعب كرة قدم حين يسجد لله شكرا، مرتديا التشيرت والشورت، بينما هاجم نفس هؤلاء البطلة المصرية بسنت حميدة، بعد تتويجها بالميدالية الذهبية لسباق 100 متر سيدات عدو في دورة ألعاب البحر الأبيض المتوسط المقامة في وهران الجزائرية، لارتدائها الملابس الرياضية !.
ونشر سالم عبر حسابه على فيسبوك صورة للاعب يسجد، وعلق : ده واحد لابس يونيفورم اللعبة و كشف عورته اللي المفروض انها من الصرة للركبة بس انت شايفه مجاهد في سبيل الله، ده غير أبطال المصارعة و الملاكمة و رفع الأثقال اللي برضو بيكشفوا كل عورتهم حسب قوانين اللعبة.
و دي واحدة لابسة يونيفورم اللعبة اللي حققت فيها رقم قياسي جديدة بس انت شايفها كشفت عورتها و فرطت في دينها رغم أنها عملت نفس اللي عمله صاحب الصورة اللي فوق وابطال اللعبات اياها !!!!!!.
يبقي المشكلة في دماغك او في كونها بنت شاطرة رفضت تلبس القفة_ علي رأي مبروك عطية الذي اتحفظ عليه لأنه لا يليق ابدا بوصف الحجاب_ و تمسكت بحلمها و ما فرقش معاها كلامك.
الخلاف بيننا مش في اللبس خاااالص، الخلاف هو اني لما شفت صورتها لفت نظري اعتزازها بعلم مصر و التناسق العضلي اللي خلاها بطلة و فخرها وحبها لجوزها، .لكن انت اللي لفت نظرك هو لبسها و جسمها و كل ما يتفق مع دماغك الشهوانية المريضة !!!يعني مشكلتك مع المرأة مش مع الالتزام الديني زي ما بتدعي !!.
