كتب - محرر الاقباط متحدون
قال الكاتب والطبيب خالد منتصر :" ظهور المطربة امال ماهر، عند جماعة الاخوان، كان اهم من ظهور المهدي المنتظر، الاخوان بقالهم أسبوع عاملين لجان عندي على صفحتي وكلهم بيقولوا جملة واحده بيطرشوها ف نفس الوقت،لو جدع اتكلم عن امال ماهر اللي ممكن تكون اتدفنت بعد ما تعذبت.
مضيفا عبر حسابه على فيسبوك :" كنت باضحك ع الهرتله الخرفانية وبقيت أضحك أكتر دلوقتي لما بالاقيهم بيتكلموا جد ويقولوا دي مش امال ماهر دي دوبليره ..دي قالت الكلام ده تحت التعذيب وقاعده ع الكرسي الكهربائي ربنا يشفي .
وتابع :" بس بصراحة الاخوان مسليين وكوميديين وبيملوا وقت الفراغ بحكايات هاري بوتر بتاعتهم دي ، راهن على غبائ٨هم وحماقتهم تكسب وانت حاطط رجل على رجل وبدون أي جهد، دول اللي قالوا : مرسي راجع وجبريل نزل في رابعة.
ووجهت المطربة المصرية آمال ماهر، رسالة طمأنة لجمهورها، بعد تداول منشورات حول اختفائها.
وقالت ماهر في مقطع فيديو :" مساء الخير جمهوري واهلي .. انا بخير الحمد لله، حبيت اطمنكم عليا، معلش الفترة اللى فاتت مكنتش قادرة أكون متواجدة معاكم.
موضحة :" كان عندي كورونا والحمد لله اتعافيت، وحقيقي ممتنة لكل الحب والخوف عليا اللي شفته وولمسته منكم ودا يدل ان ربنا راضي عني .
وتوجهت ماهر بالشكر قائلة :" بشكر جمهوري العربي من كل قلبي وبحب اهنئ الشعب المصري بذكرى ثورة ٣٠ يونيو كل سنة وانتم طيبين.
واختتمت :" وانا بخير الحمد لله واحب اقول لكل جمهوري انتظروني قريب.
