محرر الاقباط متحدون
انتقد المهندس شريف منصور الناشط الحقوقى بكندا ، ما تعرض له بعض المعلمين بمحافظة الدقهلية بتحويلهم للنيابة ، لانهم قاموا بالرقص اثناء رحلة نيلية ترفيهية خاصة بعيدة عن عملهم ، وتسأل منصور هل الرقص امام اللجان الانتخابية وتصوير الاعلام لها بحفاوه حلال ، ورقص الاشخاص فى حياتهم الخاصة حرام ، مطالبا بمحاسبة من قام بنشر الفيديو والصور لانها تمس الحياه الخاصة .
وتابع منصور فى تويته له " بلد غريبة وعجيبة ، الى من يهمه الأمر لماذا يجوز الرقص أمام اللجان الانتخابيه وسط سعاده الجميع ولا يجوز في رحله ترفيهية وتصل الي حد وقفها عن عملها . واللي نشر صورها لازم يتحاسب. دا ان كنا عاوزين نبني جسر للمستقبل ومحور يعيد لنا حضارتنا . #غباء_اجتماعي
وكانت الادارة التعليمية بمحافظة الدقهلية احالة 5 معلمين للنيابة بعد نشر لهم فيديو تقوم احدى المعلمات بالرقص ومعها معلمين اثناء رحلة نيلية للقاهرة ضمن برنامج تم اعداده من قبل نقابة المعلمين فى نشاط خارج العمل .
خرجت المعلمة »عن صمتها، وتحدثت خلال بث مباشر على مواقع التواصل الاجتماعي، وقالت: «منه لله اللي صورني، دا خرب بيتي وجاب لي اكتئاب، وجاب لعيالي اكتئاب..كل ما حد من عيالي يشوف الفيديو يقولولي فيه إيه يا ماما، تسبب الفيديو في مشاكل لي وفي بيتي وأهلي وأسرتي».
وتابعت: حصلت مشاكل بيني وبين زوجي، أنا مكنتش أعرف أني بتصور، ولو كنت أعرف أن فيه حد بيصور أكيد كنت رفضت.. الموضوع كان مع زملاء في حفلة نيلية، وكان ترفيه وبنفك عن الكبت..أنا بأخذ 24 حصة في الأسبوع ومكبوتة جدا..يعني هو حرام الواحد يفك عن نفسه شوية؟».
وأضافت: «أنا في الحفلة النيلية كان لبسي عادي جدا.. ملبستش حاجة تعمل ضجة يعني دي رحلة في وسط الناس ووسط أهلي، وأنا بتواجد مع زملائي في العمل أكتر من وجودي مع أهلي في البيت».
واستكملت المعلمة حديثها قائلة: «اللي عمل كده فيا هسيبه للقضاء هو اللي يحاكمه عشان هو شوه سمعتي وسمعه عيالي.. هعمل فيه كتير.. بس أعرفه بس، وأنا مانعة تدخل أي حد معايا في الموضوع ده عشان الاكتئاب اللي عندي، وعلى فكرة محدش حولني للتحقيق أنا ماضية على تنازل إني مكملش في التعليم».
