مرقس كمال
زمان لما ادم وحوا أكلوا من شجرة معرفة الخير الشر في الجنة شافوا نفسهم انهم عريانين فأدم راح جاب ورق التين وخيطه عشان يستر نفسه بيه ويستر حوا معاه

لكن بعد شوية وقت كان ورق التين ينشف ويفرول ويرجع ادم عريان تانى وقدام المشهد ده وقف ربنا وعمل لهم اقمصه من جلد ومن هنا عرفوا ان الستر في الذبيحة الدموية وسفك الدم اللى هى رمز لذبيحة المسيح على الصليب بتقدمة ذاته وبالدم المسفوك عليه

عشان كده المسيح وقف قدام نفس المشهد وشاف شجرة التين ولقى منظرها حلو فمد ايده عشان ياخد ثمر منها لكنه لقاها ورق بس بلا ثمر منظر على الفاضى وكأنه وقف تانى قدام ادم العريان لكن المره دي لعن الشجره فدبلت في الحال

عشان كده عمر ورق التين ما ستر حد من اول ادم لحد نهاية الحياة ومهما غطى الإنسان نفسة بالشكل الحلو والمظهر الكويس هيفضل برضو عريان طالما هو بلا نعمة وبلا مسيح هيبقى بلا ثمر

ربى وحبيبى المسيح'>يسوع المسيح استرني بنعمتك ودمك وبدِّل مظهريتي وشكلى الحلو بعمق علاقة معاك اكون فيها مثمر بثمار روحك القدوس الحلوة بعمل نعمتك فىّ.. آمين

#شخابيط_انسان