سهير وهبه
معنى اسمه شمس
ابن منوح وظهر الملاك لأمه وبشرها بميلاده
برغم اللي ليه واللي عليه لكن مجمل حياة شمشون نتعلم منها كتير
1- شمشون القوي
نسمع عن بطولات كتير في الأفلام لكن في الحقيقة هي بطولات خادعة لكن قوة شمشون تكمن في سند الله ليه وروح الله اللي يقوده
وسبب قوته هي تمسكه بنذره وتقديسه لنفسه لله
لكن لما تسلل الحب داخله فكر بعواطفه فضاعت قوته
2- شمشون التائب
وقوع شمشون في الخطأ يعملنا ان مفيش حد كبير على الخطية
والكتاب قال عن الخطية" طرحت كثيرين جرحى وكل قتلاها أقوياء"
لكن توبة شمشون والفترة اللي فقد فيها قوته وعينيه استعاد حياته الأولى مع ربنا
وده يعلمنا ان التوبة ترجعك لحالتك الأولى مهما وصلت لحالة سقوط
3- شمشون رجل الإيمان
يمكن التساؤل عند ناس كتير ليه شمشون ذكره بولس الرسول من أبطال الإيمان مع انه يعتبر في نظر الناس مات منتحر
والاجابة ان كانت مهمة شمشون هي تخليص بني اسرائيل من الفلسطينين زي بالضبط الجندي الموجود في الحرب ويكلف بمهمة قتل الاعداء
لكن شمشون قال جملة قبل موته في سفر القضاة 16 أيه 28
28فَدَعَا شَمْشُونُ الرَّبَّ وَقَالَ:«يَا سَيِّدي الرَّبَّ، اذْكُرْني وَشَدِّدْنِي يا الله هذِهِ الْمَرَّة فَقَطْ، فَأَنْتَقشم نَقْمَةً وَاحِدةً عَنْ عَيْنَيَّ مِنَ الْفِلِسْطِيِنِّينَ».
اذن طلب معونة الله لاداء مهمتة اللي ربنا وكله عليها من ولادته
(تعالوا نطبق اللي اتعلمناه)
1- تذكر دايما ان مصدر القوة هو الله وحده
وربنا قادر يخلص بالقليل وينصر الضعيف على القوى
فلا تفتخر بقوتك او جاهك او مالك لأن الله ينزل الأعزاء من على الكراسي ويرفع المتضعين
2- مهما كان ماضيك قدم توبة هترجع لصورتك الأولى
التوبة تقدر ترجعك لصورة آدم الأول انسان نقي وحافظ بقدر امكانك على نقائك
ولو سقطت مليون مرة توب وقوم
3- قبل ما تاخد اي قرار اطلب ارشاد الله وارشاد مرشدك اللي يبعت لك الله على لسانه الارشاد ولا تجعل قلبك يقودك لانك دايما هتتعرض للصدمات
صباح الخير على الجميع🌹♥️
