سهير وهبه
معنى اسمه منفتح او متسع أو جمال
هو الابن الأكبر لنوح لكن دائما ما يذكر اسم سام قبله
(علشان كده هنتعلم من يافث النهاردة فضائل كتير هنختار منها)
1- يافث المتضع
عاش حياته مختفي ولم يطلب أي شيء
في قرائتنا لسفر التكوين لم نرى أي مشكلة عملها أو كلام غير لائق
برغم انه ذكر سام قبله ولكنه لم يعمل زي عيسو لما تخاصم مع أخوه
لكنه عاش في سلام ويكفيه انه في ظل أبوه واخوته
2- يافث العفيف
لما نوح زرع كرم وشرب وسكر وتعرى
وشاف حام اخوهم ابوه نوح متعري وضحك عليه ودعى اخوته علشان يضحكوا على أبوهم
لكن اقترح يافث وسام انه يستروا أبوهم
وعلشان عينه عفيفة اخدوا رداء ومشيوا بظهرهم وستروا عورة أبوهم
3- يافث المبارك
برغم ان يافث لم يطلب ولكن كانت البركة "ليفتح الله ليافث"
وكلمة يفتح يعني يوسع وهي نفس معنى اسمه
وده تحقق ان يافث خرج من نسله كل أوربا ومعظم آسيا
4- يافث الروحي
كان يمتاز يافث انه يفهم الكلام بالروح مش بالحرف
يعني لما بارك نوح أولاده قال ليافث "ليفتح الله ليافث فيسكن في مساكن سام"
بالكلام الحرفي انا الابن البكر يعني البركة لي مش لأخوي الأصغر مني
ازاي اسكن في مساكن أخوي
لكنه فهم بمعني روحي ودي دلالة على السلام بين نسل يافث ونسل سام
وتحققت نبوة نوح انه كنعان هيكون عبد ليهم
لأن مملكة مادي وفارس من نسل يافث ملكت نسل حام بالكامل في فترة حكمها
(تعالوا نطبق اللي اتعلمناه)
1-لا تبحث عن الكرامة والمناصب يكفيك بركة خدمة غيرك
اخدم باتضاع هتظهر ثمار خدمتك بسرعة
2- احرص على ان تكون طاهر الفكر والنظر والسمع
ابعد عن أي شيء يلوث عفتك
حتى لو أشخاص ابعد عنهم
وتذكر قول الكتاب " القداسة التي بدونها لا يرى أحد الله"
3- في تنفيذ وصايا الله هتشوف ان الله بيوسع محبة الناس ليك
فاكرين في سفر الأمثال" إذا أرضت أعمال إنسان الرب جعل حتى أعدائه يسالمونه"
4- دائما كن إيجابي وفكر بالخير
قارن كل شيء بالروح ولا تتمسك بالحرف
صباح الخير على الجميع 🥰❤
