كتب – محرر الاقباط متحدون ر.ص
علق الناشط الحقوقي محمد السماك على رجوع رانيا عبد المسيح القبطية المختطفة لأسرتها دون أن تشهر إسلامها .
وكتب السماك عبر حسابه على "فيسبوك"، خبر سعيد جدا : السيدة رانيا عبد المسيح القبطية المختطفة وإلى كانت قصتها باختصار بعد خطفها بفترة السوشيال ميديا كله اتقلب عشانها طلعت بفيديو واضح جداً لكل إنسان سوي بيفهم أبعاد الكلام أنها مخطوفة ومجبره عليه وبعدها وثقت إسلامها رسمي في قسم شرطة غير تابعه ليه وده يفهمكم قد إيه الناس اللي بتقوم علي خطف القبطيات واصلين وقادرين يعملوا كتير.
وتابع :" ولكن بعد مرور 4 شهور علي اختفائها وبفضل نيافة الأنبا بنيامين وصلوات كل أسره مسيحية ودعوات كل مسلم مخلص مسالم وأنا أولهم رجعت اليوم، سعادتي بخبر رجوع رانيا عبد المسيح مفيش كلام ممكن يوصفه لأن اختفائها بمثابة اختفاء للإنسانية قبل الأمان.
واختتم :" السيدة رانيا واللي تم تكفيري والاعتداء علي بالضرب والسب بسبب دفاعي عنها لآخر لحظه الآن ثمره دفاعي أراها، إن قاعدة الإكراه تقول إن الإجبار علي الإيمان كفر والإجبار علي الكفر إيمان اى كان مفهومك للإيمان او للكفر بس دي قاعده بديهية."
