بقلم : صفنات فعنييح
ايه ده .. ؟؟ دا مين الي اتخبط في نافوخه وبيقول لخليفه المسلمين
السلطان أردوغان كرم الله وجهه .. كل سنه وهوا طيب وبمناسبه إيه
دي اعياد الكفره من البشر .. اعياد احفاد القرده والخنازير .....
أتاري ان الكفره انفسهم أهل الغرب هما الي بيقولوا لأردوغان
كل سنه وهوا طيب في الدِرا كده في الخفا من غير ما حد يسمع
وبعدين يلتفتون الناحيه التانيه حيث بقية دول حوض الابيض المتوسط
ليعلنوا ادانتهم الأردوغان وعقوبات اقتصاديه وتحذيرات لاردوغان
وكلام كتير بينقطوه في ودان الناس .. لكن فعل حقيقي .. مش موجود
والناس واقفه كل واحد ريالته تتدلي فوق صدره .. وواقف ياولداه
بيحاول يقرأ لأحداث من حواليه .. والكل وجد انه بيقرأ الخط اتنين
ومش فاهم معظم التصريحات ومعظم الأقاويل والتشنجات .......
وأردوغان كاو بوي البحر المتوسط طايح شمال ويمين ويجيب في
مرتزقه من سوريا يوديهم ليبيا .. ويطلع تصريحات ويبعتها الأمم
المتحده .. فبتوع الامم المتحده ينصحوه عايز تبعت مرتزقه ما فيش
مانع .. لكنك لا تستطيع انزال فصائل من الجيش التركي هناك ....
ولكن هناك خط استراتيجي داخل هذه القصه هوا حمايه الحكومه
المتفق عليها هناك .. حكومة السراج وهوا تركي الاصل ذي اردوغان
ليه بقي وجود هذه الحكومه ويحميها الغرب يضمن سلاسه العلاقات
البتروليه وسلامه الاسعار .. فتعد ليبيا هي آبار البترول الأرخص في
امداد النفط بالنسبه لاوروبا .. فلابد من حمايتها ....
هم يكرهون حفتر .. لانه اذا تملك الفرصه سيفرض سعر السوق
العالميه للبرميل ... حفتر يدافع عن حقوق بلاده ..وهذا غير مستحب
عالميا .....
مصر تتلوي في مكانها .. وبعدين تجمع دول ذي اليونان وقبرص
والبحيره وسمنود .. ويقفوا يتلون ويزعقوا ما فيش مانع .....
ومن هنا جاء الي مسامعنا تلك العباره مع الركوع نصف ركعه
كل سنه وأنتا طيب ياأردوغان انتا ب١٠٠ خليفه ..
هوا أحنا هنلاقي فين خليفه كده
دي من ضمن معيدات العيد