تداول مجموعة من رواد مواقع التواصل الاجتماعي مجموعة من الصور لعدد من الجمال داخل سوق برقاش، وظهر عليها آثار تعذيب وضرب "دا سوق برقاش للجمال هنا في مصر في الجيزة ..الجمال دي بتتعذب و تضرب و بيتجمع على جمل واحد ٦ و٧ افراد يضربوه بكل قوتهم ، الجمال وشهم مبيبطلش نزيف، صوت صراخهم مبيوقفش لكن هناك ناس معندهاش احساس كل واحد ماسك شومه و عصاية، و يفقع عين عادي و يضرب في أماكن حساسة عادي ، الصور دي متصورة من هناك أي حد عايز يتأكد يقدر يروح و يشوف بنفسه". كان ذلك عبر هشتاج #غلق_سوق_برقاش، و #انقذوا_جمال_برقاش.

إنتقاد المتابعين

وتابع المنشور الالكتروني " ركزوا في الصور الجمل اللي قاعد ع الارض من كتر الرعب جاله اسهال شديد، جزء من الجمال دي بتروح للسياحة و بترجع السوق تاني يعني الناس دي بيتدفعلها فلوس كمان.. و جزء منهم بيروح للمدبح يعني بيموتوا ألف مرة و دول كائنات صبورة و جميلة مينفعش تتعامل بالطريقة دي".

دعوى قضائية 

وعبر المنشور الالكتروني بموقع الفيس بوك نشرت سلمي محمد، الصور معبرة "المناظر دي يوميًا من الساعة ٧ الصبح للساعة ٢ الظهر و مش ممكن يستمر على كدا، احنا مجهزين قضية ضد سوق برقاش بس محتاجين اكبر عدد شير عشان تبقى قضية رأي عام ياريت تبلغوا اي حد يشوف البوست يعمل شير حتى لو مش مهتم بالحيوانات رغم انها روح زيينا بالظبط و احسن مننا ع الاقل يهتم بشكلنا قدام العالم.".

وتداول المئات من الشباب داخل مجموعات المعنية بحقوق الحيوانات بمصر، تلك الصور معبرين عن غضبهم لما تتعرض له الماشية بمصر من تعذيب وارد خلال الصور.

ماهو سوق "برقاش"

ويعتبر سوق «برقاش للجمال» الواقع شمال محافظة الجيزة، من أهم أسواق الماشية في مصر، حيث يقع على مساحة 25 فدانًا، ويستقبل آلاف الجمال يوميًا، وحركة الرواج الأكبر تكون يومي الجمعة والأحد من كل أسبوع.

مزار سياحي

ويزيد الإقبال عند اقتراب عيد الأضحى المبارك، ويشهد هذا السوق توافدًا كبيرًا من كافة محافظات الجمهورية، لانه يحتوي علي العديد من الأنواع في الجمال ، وجميع من يعمل به قد توارث مهنة تربية الجمال، ويتحدث التجار والبائعون في برقاش أكثر من لغة أجنبية، ويعد بمثابة مزار سياحي لكثير من السياح من كل الجنسيات، والجمال به النسبة الأكبر منها مستوردة من السودان، وتبدأ أسعار الجمل من 15 ألف جنيه، تختلف حسب النوع والفصيلة.

عقوبة العنف 

جدير بالذكر أن قانون العقوبات فى المادة رقم 355، حدد عقوبة هذه الجرائم حيث تكون بالحبس مدة لا تزيد على سنة مع الشغل وغرامة مالية لا تزيد على 200 جنيه، على كل من قتل عمدا حيوانا من دواب الجر أو الحمل أو الركوب أو أى نوع من أنواع المواشى.

ونصت المادة 357 من القانون ذاته، على عقوبة لا تزيد على الحبس 6 أشهر مع الشغل وغرامة لا تزيد على 200 جنيه لكل من قتل عمدا أو سم الحيوانات المستأنسة أو أضر بها ضررا كبيرا.