قال الفنان محمد صبحي، إنه فخور بإخراج جيل مثل الفنانة منى زكي وأحمد أدم وهاني رمزي ومصطفى شعبان وصلاح عبدالله، معقبًا: «مش ندمان أنا فخور بالجيل اللي خرجته، عشان يصنعوا فننا يرضيني، ولو بقدمهم عشان يشيلوا ليا الجميل دي علاقة منقوصة».
وأجاب في لقائه ببرنامج «عايشة شو»، المذاع عبر فضائية «النهار»، أمس الأحد، على تساؤل «لماذا لم يشارك أحدهم عملا فنيا، وهل لم يعرض عليه أحدهم مشاركته في أفلامه»، قائلًا: «مش شرط يعرضوا عليا شغل، أنا لا يعرض عليا شغل أنا أختار الشغل».
وأوضح أنه فخور بالجيل الذي تخرج من فرقته، بما فيهم الفنانة منى زكي والتي روى موقف طريف عن كيفية قبولها في فرقته، متابعًا: «في المسابقة، لقيتها قدامي قالتلي مش عايزة أمثل أنا جاية أتصور مع حضرتك، قعدت أتكلم معاها وسألت شوية أسئلة قولتلها مش هتدخلى تصفية ومش هتمتحني هاخدك معايا في الفرقة لأني حسيت جواها الموهبة».
