كتب - محرر الاقباط متحدون
شارك صانع المحتوى العلمي أحمد الغندور، الشهير بـ"الدحيح"، متابعيه عبر فيسبوك تصريحات أدلى بها جراح القلب المصري العالمي السير مجدي يعقوب، خلال حواره معه، وجاءت ردود يعقوب على الأسئلة كالتالي:
هل الذكاء الاصطناعي ممكن في وقت من الأوقات يستبدل الأطباء؟! ؟
_ بالتأكيد لأ، لأنك في الأساس لازم تسأل السؤال الصح العقل البشري معقد جدًا وعشان كده مهم تعرف أنت بتدور على إيه بالظبط، وعشان كده الذكاء الاصطناعي مش هيقدر ياخد مكاننا في طرح السؤال الصح.
لو سألتني السؤال الصح واديتك إجابات صح فده ممتاز، ولو سألتني السؤال الصح واديتك إجابة غلط، فأكيد في شخص تاني هيراجعها ويديك الإجابة الصح، لكن لو سألتني سؤال غلط واديتك إجابة صح... ساعتها هتبقى كارثة!.
العقل البشري لسه متفوق في إنه يحدد المشكلة ويفهم السياق ويعرف أصلًا إحنا بندور على إيه وبعدها يقدر يستخدم الذكاء الاصطناعي عشان يساعده في الوصول للإجابات، وعشان كده الذكاء الاصطناعي أداة ومش بديل عن عقولنا.
