كتب - محرر الاقباط متحدون
استغاث عدد من السكان المسيحيين بمناطق النرجس 1 والنرجس 2 وأبناء الجيزة، للمطالبة بإنشاء كنيسة تخدم أهالي المناطق المذكورة ، مؤكدين أنهم دون كنيسة، رغم تخصيص أرض لإقامة الكنيسة منذ عام 2023.
وأضاف مواطن آخر:"من 2018 وإحنا موجودين في المكان، ومفيش كنيسة نصلي فيها، وبنبعت للجهات المختصة، لكن مفيش حد مهتم.
لافتا:"عددنا كل يوم بيزيد، وإحنا حوالي 4000 أسرة، ومفيش كنيسة، رغم إن الرئيس كلف الجهات ببناء كنيسة في أي موقع سكني جديد،وأقرب كنيسة بنصلي فيها بعيدة عننا برضو، وبنركب لها موصلتين.
وقال مواطن ثالث:"عاوزين كنيسة تخدمنا وتخدم أطفالنا، ويكبروا فيها، بنشتكي ومحدش سامع صوتنا، ومحتاجين كنيسة كبيرة تستوعب العدد ده.
وقال مواطن رابع، ردا على سؤال حول تخصيص جهاز المدينة أرضا للكنيسة:"إحنا مستلمناش الأرض.
وكتب توماس راضي عبر حسابه على فيسبوك:" مشكله حقيقيه بتقابلنى من سنه ٢٠١٨ وحتى الآن ٢٠٢٦ ومش عارف اصلى فى كنيسة لا انا ولا اسرتى
انا مش هاتكلم بلساني لكن شوفوا الناس بيحصل ايه معاهم، احنا فعلا اتمرمطنا بمعنى الكلمة احنا مش فاهم يعنى ايه منطقتين كبار ومعاهم كمان ابناء الجيزة، كل دول مفيش كنيسة تخدمهم ولا نصلى فيها ده طلب كنيسة باسم منطقة645 ( النرجس1) حاليا،
الناس ساكنة من 2018 بدون مكان يصلوا فيه ومخصص لهم مكان فى المنطقة منذ 2023 ولكن لم يستلموا الارض حتى اليوم منطقة309 (النرجس2) منطقة ابناء الجيزة، 3 مناطق بمعدل 1600 عمارة لو اعتبرنا نسبة المسيحيين الموجود 10 % فقط يعنى 160 عمارة 24 شقة يعنى 3600 اسرة مسيحية لا يوجد لهم كنيسة، المشروع بيخدمه كاهن المنطقة مع منطقتين اخرتين وهو Fr-Makarious Makin وبناءا على تعليمات السيد رئيس الجمهورية عبد الفتاح السيسي ان كل هذه المناطق لها الحق فى وجود دار عبادة لها، بنطالب بحق الناس فى استلام الكنيسة المخصصة من 2023 وخصوصا ان اقرب كنيسة تبعد بالسيارة اكثر من 20 دقيقة.
