كتب - محرر الاقباط متحدون
قال الإعلامي إبراهيم عيسى: "كثيرا ما نسمع تصريحات من مسؤولين في الحكومة يتحدثون فيها عن مدى تعبهم وجهدهم في العمل، ومدى اجتهادهم وإخلاصهم وان عملهم متعب، فيقول أحدهم: أنا لا أنام من أجل العمل.
مضيفا عبر قناته على يوتيوب :" أو يُمدح مسؤول فيُقال عنه: هذا رجل يعمل 30 ساعة في اليوم، لا ينام، ويقولون: لو تعرفون حجم الجهد الذي نبذله والوقت الذي نقضيه في العمل، أو يقول أحدهم: نحن لا نرى أبناءنا.
لافتا :"كل هذه الأمور تُقدم باعتبارها امتيازات ومميزات لهؤلاء، أو تقدم كمبررات وحجج في مواجهة أي انتقاد أو هجوم أو نقد.
وواصل:" هي في حقيقة الأمر دليل حقيقي على أن عندنا مشكلة كبيرة جدا في فهم المسؤول لمسؤولياته، لأنه لو أنت حضرتك ما بتنامش، فعشان خاطرنا نام.
وأضاف :"ده مش معناه إنك كويس، ومش معناه إنك مخلص، أو هكذا تتصور الإخلاص، لكن ده بالضبط زي ما جراح مثلا يبقى بقاله يومين ما نامش، وداخل يعمل عملية جراحية في المخ ولا في القلب ولا في المعدة.
وتابع :" إيه ده؟ وهل هذا يعقل؟ إزاي بتقدموا إن أنتم ما بتناموش على إنه ده حاجة إيجابية، أو إن أنتم بتشتغلوا 24 ساعة في اليوم، 30 ساعة في اليوم؟ قال يعني دي حاجة كويسة!.
ورأى:" مين قال إن دي حاجة كويسة؟ ده فيه مشكلة في عقلية المسؤول المصري، وطبعا طول الوقت هو عنده الكم مش الكيف، قد إيه هو بيقعد يشتغل وبيصحى من الفجر عشان يشتغل.
كما رأى :"دي مسائل حضور وانصراف على فكرة، دي مش مسائل إنجاز وعطاء، لأن الشخص اللي ما بينامش كويس ما بيشتغلش كويس.
