بقلم جورج حبيب
يا أم يا اللي مالية الكون حنان
يغمر ولادِك والناس والجيران
ضحكتِك صافية رغم الأتعاب
ولا يوم اشتكيتي ولا قفّلتي باب
فاتحة قلبِك لولادِك والأحباب
ولتعبِك ناسية… وطلباتِك مش في البال
ولا يوم طلبتي حاجة من ألعيال
وإن أتسألتِ تقولّي: “كله تمام”
مين يضحي زيِّك؟! مفيش ولا في الخيال
عظيمة… ولو ينصفوا يعملوا لكي تمثال
دموعِك تنزل لو حد تعبان
وتسهري الليالي… وصبرِك علو جبال
يا ريت نبوس إيدِك ورِجلِك كمان
ونحط تاج على راسِك يا أمّ الحنان
وكل سنة وإنتِ حبيبتنا وبخير
مديونين لك بعمرنا… وبكل التضحيات
ونقدر معروفك موش بس كلام
