من سنة عَدَّت، بأفضِّل أعدّ الأيام وباخدها بجد،
علشان أجيلِك في الموعد… مين في غلاوتِك؟ ده مفيش حد.
إنتِ يا أمي علينا حنونة، نلقى معونة لما بتطلب مريم جد،
فرَّحتِ قلبي جوَّه كنيستِك، وللأيقونة أبوس اليد.
وأسجد جوَّه مغارتِك شاكر، وألقى الروح بالشوق تتَّحد،
وأطلب عني وكل أحبابي… أولِّع شمعة لرب المجد.
عامر ديرِك، ومفيش غيرِك اللي يحبُّه القلب بجد،
جاية الناس ملياها الفرحة… اظهري يلا يا أجمل وعد.
لابسة التوب الأبيض والطرحة، فوق القبة ونورِك مد،
جيِّه العدرا وجيِّه الفرحة، مهما بيبان الدنيا تسد.
مريم عبدة فقيرة وصالحة، لمست عرش الله والمجد،
والمتواضع والروح حلوة، عايش دايمًا كده على وعد.
ممدوح الديري ✍️
