ديڤيد ويصا
لما بتكون مولود في دين مُعيَّن ..
بيبقى صعب عليك تشوف نقط ضعفه ..
وبيبقى سهل عليك تشوف نقط ضعف دين غيرك!
ولما بتكون متربّي في عقيدة طايفة مُعيّنة ..
بيبقى صعب عليك تشوف عيوبها ونقط ضعفها ..
وبيبقى سهل عليك تشوف عيوب عقيدة طايفة تانية!
ولما بتسمَع حَدّ تبعَك بيقدّم وجهة نظر في موضوع ..
بيبقى سهل عليك تتبنّى وجهة نظرُه ..
بالذات لو عرف يقدّمها كويّس!
--
عشان كده ..
لو عاوز تحكم على إيمانك وعقيدة طايفتك صح ..
اسمع تقييمها من ناس مش مولودين فيها ..
حتى لو كانوا بيهاجموا بافترا وجهل!
ولو عاوز تحكم على دين أو عقيدة طايفة غيرك ..
اسمع شرحها من ناس مولودين فيها ..
حتى لو كانوا مش قادرين يشوفوا عيوبها!
--
أبسط قاعدة في الحُكم الصّحيح ..
هي الحُكم بعد سماع جميع الأطراف ..
وأسوأ غلطة ممكن تعملها في حق نفسك وغيرك ..
إنك تحكُم وتوهِم نفسك ان حٌكمَك صَحّ ..
رغم سماعك من طرف واحد!
--
أنا معاك ان البحث والفحص مُرهِق ..
بس إنسانيتك المخلوقة على صورة الله ..
وكرامتك اللي الله وهبهالك لما خلقَك ..
يستاهلوا التَّعَب!
ديڤيد ويصا
