نورا فريد
حياتنا صبحت آلالام
العالم يصرخ ويئن
مرار بقي طعم الايام
كله بينكش دبان وشه
بيدور علي حاجه تفشه
ومحدش فينا طايق حد
ولامحترمين حدود او سد
والشاطر يطرد غيره من عشه
العالم لسلامك محتاج
ماشي في طريقه محتاس
نايم وعيونه مفتوحه
وشيطان ساق فيها وهاج
سلام يارب سلام
حياتنا صبحت الآلام
العالم يصرخ ويئن
مرار بقي طعم الايام
ليه الغل مالي قلوب الناس
لافي خير ولاذوق
ودماغ ترباس
معتدي شايف نفسه برئ
والفرًح أنفاسه بتضيق
حتي الإحباب اتقسموا
لفريق وفريق
والاقوي ف أملاك غيره نازل
بالمدفع و الفاس.
حرب وكرب
صواريخ وحريق
قصف مطار
وغلق مضيق
رعب الناس من بكره..
بقي منهج وحياه واساس
سلام يا رب سلام
حياتنا صبحت الآلام
العالم يصرخ ويئن
مرار بقي طعم الأيام
