كتب - محرر الاقباط متحدون
علق المفكر والطبيب خالد منتصر على مقطع فيديو متداول لشاب يوجه تهديدات للمسيحيين والقبطيات، حيث قال:"من سأراه مفطرا في رمضان أو ترتدي ملابس بنصف كوم سأمارس ضده العنف.
وكتب منتصر عبر حسابه على فيسبوك :" هذا الدكر الغيور على دينه طالع بيهدد إنه حيقوم بتشويه وش أي ولد مسيحي بيشرب سيجارة، وأي بنت مسيحية لابسه نص كم وتسببت في ان هذا الورع التقي المؤمن يفطر!!!.
لافتا :"الولد ده مش بيمثل نفسه، ده بيمثل ثقافة موجودة على الأرض هل رمضان صار شهراً مباحاً فيه الفتونة والشبحنة والبلطجة على الناس بإسم الدين ؟؟! وانت مال فضيلتك ؟؟!، حتى لو مسلم وبيشرب سيجارة ، أو مسلمة لابسه نص كم ، انت ايش أخشش أهل سيادتك، وحشر مناخير معاليك ؟ هو ليه ربط التدين بالوصاية والتسلط؟!، وليه المتدين في مصر ما بيخليهوش في علاقته بربنا مش في علاقة جاره بربنا؟!، وليه إدخال الناس الجنة مهمة الحكومة أحياناً والجار أحياناً والبواب أحياناً وسواق التاكسي أحياناً.
وواصل :" كلهم عايزين يدخلوك الجنة ومعاهم الكارنيه وتوكيل الشهر العقاري، ومسا الله فيفي عبده بالخير لما ردت رد عبقري على واحد حشري من نوعية الاخ ده ، قالت له : ياسيدي أنا عايزه أروح جهنم..انت مال…وقطعت فيفي قول كل خطيب ، لو كل واحد في مصر يبص في ورقته كنا كلنا نجحنا في الامتحان، تحديث: لو تم القبض عليه ..فشكراً جزيلاً للشرطة المصرية.
