شهد ميخائيل
مش ببالغ ابدا لما اوصفه بالمعجزة لان دي الحقيقة
ده تمثال الملك خفرع ابن الملك خوفو و صاحب الهرم التاني
التمثال ده مصنوع من الديوريت الاخضر
طب عارفين يعني ايه ديوريت
الديوريت تاني اصلب حجر علي ظهر الكرة الارضية بعد الماس
و كمان منحوت بالحجم الطبيعي ؟!
تعرفوا انهم حاولوا كتير ينحتوا تماثيل بالحجم ده و فشلوا و معرفوش يعملوا غير تماثيل صغيرة و مش بالشكل و الدقة دي
اجدادكم من ٤٠٠٠ سنة قدروا يعملوا تمثال زي ده بادوات بدائية نعرف بعضها و الباقي لسه متمش اكتشافه ؟!
لدرجة ان جاستن ماسبيرو عالم المصريات الشهير قال .. لو تم انشاء معرض لاعظم معجزات البشر الفنية لاخترت هذا التمثال ليجسد اعظم انجازات الفن المصري القديم بل و العالم اجمع ..
مش بقولكم معجزة
التمثال بيصور الملك خفرع و هو جالس و بيحيطه حورس الحارس
و موجود في المتحف المصري بالتحرير و هو نفس التمثال اللي موجود علي العشرة جنيه
افتخروا بحضارتكم
