ديڤيد ويصا
"صلاة صلّيتها النَّهرده ..
حابب اشارك بيها لكل واحد وواحدة شبَهي!"
--
يا رب ..
أنا أضعف من اني اتحمّل نتايج "بعض" أخطائي ..
أيوه انا عارف ان مسؤوليّتي بتخلّيك تسيبني اتحمّل نتيجة أفعالي ..
بس فيه أخطاء بتخلّيني عاوز اتشعلق في رحمتك ونعمتك ..
مليش عين اطلب ده ولا اقدر ارفع عيني في عينك وقتها من الخجل ..
لكن كُلّي أمل في رحمِتَك ..
عشان تخفّف حِمل نتيجة "بعض" أخطائي ..
وتكون أقل من اللي استاهله، فاقدر اشيلها!
وكُلّي أمل في نعمتَك ..
عشان تشيل عنّي حِمل نتيجة "بعض" أخطائي التّانية ..
وتكون بتشيل عنّي اللي استاهله، لأني مش هقدَر أشيلها!
--
وفي كل الأحوال ساعدني ..
عشان تكون رحمتك ونعمتك جرس إنذار ليّ عشان افوق ..
مش مُبرّر عشان استسهل أخطائي ولا استرخَص حُبّك ليّ ..
وكمان عشان مكونش بستهين بغنى لُطفَك وصبرك عليّ ..
لكن افهم ان إمهالك ليَّ هدفه انه يقودني للتوبة مش للخطيّة!
آمين!
ديڤيد ويصا
