نرجع زي نينوى نقرّب
قبل العمر ما يجري يضيع
ونجيله وبزرف دموعنا
غير التوبة مفيش مواضيع
نرجع زي نينوى نهابه
واللي يهابه ما يبقى وضيع
يذكر حلقه في وقت شبابه
يفضل شاب وعمره ربيع
نرجع زي نينوى ما تابت
ثمر التوبة ما آخره تضيع
مضمون ليا ميراثي الدايم
وكل ما أطلب يجي سريع
نرجع زي نينوى نصلّي
والأصوام دي سد منيع
تدخلنا الأحضان وتملي
تطفئ نيران وما حد يضيع
نرجع زي نينوى يقدر
يمدح حبي وسيطي يذيع
وأبقى مثال الخاطئ التايب
فرحان بيا لأني مطيع
✍️ ممدوح الديري ✍️
