Dr/ Yostena Farid
هي النفوس التي تمنح من حولها شعورا بالطمانينة والامان دون تكلف او تصنع, ويشعر الانسان بقربها بالقبول والارتياح لا بالضغط
او التوتر او فرض الراي. مثال: الطفل الرضيع هو ابسط مثال لانه غير مدرك للكلام اللي بيسمعه لكن بيقدر يعرف النفوس المُريحة -
من النفوس المُزعجة بدليل اننا ممكن نلاقي طفل متعرفوش بيضحك ليك او انه يبكي من غير ما نقرب منه. نفس الكلام ينطبق علي
الكبار ايضا. احنا كمان لما ساعات نقابل اشخاص صدفه و نحس اننا نعرفهم من زمان او اننا مش متقلبين وجودهم.

ما هي صفات النفوس المُريحة؟
 البعد عن القسوة: سواء القسوة في الالفاظ او الاحكام او التعامل مع الاخطاء بطريقة تسبب تعب للمُخطئين بطريقة -
تحطم معناوياتهم دون تقويمهم. مثال: الاب و الام في البيت: ممكن يكون كلامهم صح بس طريقة تعبيرهم غلط و داب - -
يسبب نتائج عكسية زي مثلا مقارنة الابن او الابنه باقربائهم او زملائهم في الدراسة و داب يخلي الطفل يفقد الثقة في
نفسه وقدرته و قد يؤدي الي الشعور بالغيظ او الكره الشديد بس لانه حاسس انه افضل منه. مثال اخر: المدير الخاص -
بمكان العمل: ممكن نلاقي مدير بيدي الموظفين جزاءات كتير و علي اتفه الاسباب مما يُزيد ذلك من احباطهم و -
الاحساس ان طاقته مستنزفة و دا ممكن يؤدي الي حدوث خسائر فادحة للمنظمة دي بسبب سوء معاملة و حكمة المدير
مع الموظفين.

 البعد عن النكد: ودي بتحصل اكتر في العيلة او الاسرة عن طريق انهم بيحاولوا يحلوا المشاكل بطريقة النكد و داب -
يسبب طابع كئيب في البيت والذي يقوم بدوره الي هروب افراد الاسرة من البيت عن طريق السهر خارج البيت لفترات
متاخره من الليل علشان يدوروا علي مكان يحسوا فيه بالسلام النفسي اللي مفتقدينه في البيت.

 البعد عن كثرة التحقيقات: مستحيل النفوس المُريحة تستخدم الاسلوب دا ابدا. الاسئلة الكتير بتحسس الانسان انه -
محاصر مثال: كنت فين؟ بتعمل ايه؟ بتكلم مين؟ بتتكلموا في ايه؟ و غيره كتير من الاسئلة الاستفزازية و الشخصية -
ايضا مش من حق حد انه يعرفها و النوع دا من الاشخاص بيكون مُزعج جدا.

 عدم التدخل في خصوصية الغير: و بما ان كل انسان ليه خصوصياته اللي بيحب يحتفظ بيها لنفسه فمن المفروض اننا -
بنحترم دا لكن في بعض الناس ليها راي تاني و هو انهم بيكونوا معاك في خصوصتيك عادي جدا بدافع الحب وانهم
حابين يطمئنوا عليك و دا بيثير الغضب داخل الانسان. مثال بسيط في حياتنا اليومية و هو الشخص اللي بيبقي قاعد جنبك
في المواصلات انا ببقي بشوف حاجة علي تليفوني و هو معايا برضو كتر خيره.

 عدم الشك: دي صفة سيئة جدا للاسف لان في اشخاص الشك بيكون طبع و دا عيب قاتل لانه بيشكفي تصرفات اللي -
قدامه وكلامه وافعاله ومحبته ولهجة صوته حتي لو الشخص اللي قدامه صادق فعلا.
 روح الثقة والاحترام: الثقة تولد ثقة كما انها تدل علي الاحترام "كل انسان ينجذب لمن منحه الثقة وشعر معه -
بالامان".

 عدم الالحاح والمجادلة: في اشخاص علشان ياخدوا اللي هما عاوزينه يستخدموا اسلوب الالحاح والضغط لغاية لما -
يزهق ويوافق اللي قدامهم بدون ما ياخد فرصة للتفكير في الموضوع و دا يرهق الانسان جدا ويحمله فوق طاقته او يعمل
شيء لا يُرضي ضميره.

 عدم فرض الرأي: وهو محاولة السيطرة علي من حولك وعدم قبول راي الاخر حتي لو كان الراي غلط. ودا بيمثل -
ضغط علي الفكر والتصرف واجبار الاخرين انهم يشموا بنفس تيارهم الفكري او السلوكي بدون ارادتهم, و بالتالي دا
بيسلب ارادة الانسان. مثال: فرض راي الابوين علي ابنتهما و جعلها ترتبط بشخص لا تحبه او لا يوجد بينمها ارتياح, -
وبالتالي فشل و تعاسة لحياتها الزوجية.

 كثرة الجدل: طبعا دي صفة مستحيل تكون موجودة في النفوس المُريحة. باختصار هي صفة تعني ان مفيش تعدي -
بالساهل حتي لو موضوع بسيط. الجدل دا شيء صعب وتعب جدا خصوصا لو الموضوع بسيط لانه بياخد وقت
وبيستنفز الطاقة ويرهق الاعصاب. و النوع دا من الشخصيات بنحاول نتجنبه لاننا ببساطة في غني عن جدال طويل ليس
له فائدة, واذا اضطررنا للكلام مع شخص فيه الصفة دي بنضطر نستخدم العبارات التقفيلية و هي عبارات صغيرة بتتقال
علشان ننهي بيها الحوار, مثال: ان شاء الله معنديش معلومة عنه. "المباحثات الغبية والسخيفة, اجتنبها, عالما انها - -
تولد الخصومات".
 تقدير ظروف الاخرين: من اجمل الصفات التي تتحلي بها النفوس المُريحة وهي اننا نراعي مشاعر من حولنا و اننا -
نلتمس لهم العذر.

 لا تتصف بالغضب: النفوس المُريحة في اغلب الاحيان بتعرف تتحكم في غضبها سواء السرعة في الغضب او الحدة او -
الغضب علي اتفه الاسباب او الغضب المصحوب باخطاء او اعتداءات علي الاخر.
 المبشرون بالخير: و النفوس المريحة في الاغلب بتكون مريحة في كل حاجة و دائما نلاقي الاخبار الحلوة بتيجي من -
خلالهم او لما بنشوفهم بنحس بارتياح كدا ونتفاءل باليوم بعد رؤيتهم.

ماذا افعل لاكون من اصحاب النفوس المُريحة؟
 ابدا بنفسك اولا: عن طريق علاج جراحاتك الداخلية وعدم اسقاط اللوم علي الاخرين فالنفوس المُريحة لا تُفرغ ضيقها -
في الاخرين.

 استمع اكثر مما تتكلم: فذلك يُشعر الاخر بالأمان و لا تعطي نصيحتك لاحد ما لم يطلب هو ذلك حتي لا يشعر انه فرض -
عليه.

 خفف الاحكام والنقد: عن طريق استبدال النقد بالفهم واللوم بالتعاطف. -
 كن صادقا وبسيطا: البساطة راحة والتصنع ارهاق. -

 كن رحيما لا مثاليا: لا احد كامل و انت غير مطالب بذلك, ولكن الرحمة بالنفس تنعكس راحةً علي الاخرين. -
 تقديم الطمانينة لا التهويل: فكلمات بسيطة قادرة علي تغيير حالة الشخص من قلق الي هدوء وراحة والعكس -
 التحكم في الانفاعلات: فالهدوء وقت الخلاف اهم من كسب الجدال -

 احترم حدود الاخر: فلا تتدخل فيما لا يعنيك -
كن النفس التي يشتاق لها الناس بعد اللقاء, لا العبء الذي يتمنون انتهاؤه.
Dr/ Yostena Farid