كتب - محرر الاقباط متحدون
أعرب الإعلامي إبراهيم عيسى عن رفضه لحرق المتشددين أشجار عيد الميلاد في عدة دول، معبرا عن استنكاره لكراهيتهم للصليب.
وأضاف عيسى عبر قناته على يوتيوب :"الصليب رمز للتعذيب ولتعرض المسيح للظلم، عنوان للشهادة والتضحية والاستشهاد، ما الذي يزعجك في هذا؟!.
وتابع :"بالنسبة للمسلم اللي مش عايز يقتنع بأنه لكم دينكم ولي دين، يا حبيبي الصليب ده معانا إحنا الاتنين في روايتنا إحنا الاتنين.
وواصل :" إيه اللي بيزعجك منه وإيه اللي يخليك لما تشوف الصليب تبقى متضايق أو تقول: لا مش عايزين نشوف الصليب على كنيسة؟ وإيه الصلبان دي؟
وأضاف :"مالها الصلبان مالها، المسيحي لما بيشوف الهلال مش هيضايق هلال في السماء، وجميل رمز للهلال والنور والتجدد، هلال بيجي بعد ظلمة وبعد عتمة في السماء يزعل ليه؟.
وواصل:" نزعل ليه من رموزنا؟ ليه؟ ليه الكراهية دي؟ لا أحد لا يكره إلا هؤلاء المتطرفون والمتعصبون وهم أصحاب رايات الكراهية.
