يِلّي في حزنك قاسي عنيد،
افرح يا ابني، ده جي العيد.
مشِيوا حبايبك غصبن عنك،
ربنا ليه هدف وأكيد.
مهما الدنيا تقسي عليك،
ده مرتبها وليه مواعيد.
رحلة حياتنا وبُكرة نسيبها،
وفرحنا يبقى ده يوم العيد.
طب ليه نزعل ع ال يسيبها،
لما يكون في السيرة سعيد؟
خارج منها وناسي تعبها،
لما اتكل على يفيد.
مهما التُربة بتفتح بابها،
واحد بس بيبقى سعيد.
اللي أطاع والدنيا غلبها،
كان متمسك بالمواعيد.
لازم نفرح يلا نكمل،
أصل ميلاده جاب العيد.
كان الموت نافذ حكمه،
هتجوز فيه كل المواليد.
جه عالأرض وغير حكمه،
خلّى التايب يبقى سعيد.
افرحوا يلا كمان وابتسموا،
خليه يسكن قلبي جديد.
✍️ ممدوح الديري ✍️
