د. مجدي إسحق
عضلة مهمة جدا ناس كتيرة أهملتها محتاجين نقويها اسمها "عضلة تأجيل إشباع الرغبات"..

عضلة تعلمنا ان الحاجة اللي انت عايزها مش لازم تيجي في ساعتها..

عايز تاكل ، يبقي لما تجوع فعلا مش تلقط أي أكل طول ما انت ماشي .. عاوز تشترى يبقي تشترى اللي محتاجه فعلا ، و تبطل تشترى الكماليات و المظهريات الزائفة ..

العضلة دى بتعلمك ان ازاي بحكمة تدبر مواردك ..

و ح تكتشف انك كنت مخزن اكوام من الحاجات فوق بعض : هدوم و ضاقت عليك ، حاجات اشترتها اكتر من مرة ، أقلام و نشف حبرها ، كتب ما اتقرتش، اكل ما اتاكلش و اترمى ..

 ح تكتشف  انك وفرت كتير ، و اتعلمت فن ادارة المال ليك و لأسرتك و لأولادك ..