ما تقعدش تحسبها.. د.مجدي إسحق 
مظلوم ؟؟ حقك اتهدر؟؟حد زعلك و كسر نفسك ووجع قلبك ؟؟

قاعد تحسبها : اعمل ايه ؟ احلها ازاي ؟
اكلم مين ؟ اتحامي في مين ؟ اطلب حقي و لا ح اتبهدل اكتر ؟ اسكت و اتقهر و لا اتكلم و اتظلم تاني و تالت ؟ 

جربت كل الطرق ؟ حاولت و اتحايلت ؟ النوم هرب منك و الأفكار هدت حيلك ؟؟
ربنا له حلول كتير بس يظهرها في وقتها ، حلول عمرك ما كنت بتفكر فيها ❤️
قفلت من كل حتة علي موسي  و شعب الله ، يشق لهم البحر (خروج ١٤) ..

ملايين جوعانين و عطشانين في الصحراء يلاقوا خبز الملائكة "مزمور ٧٨" (المن) نازل لهم من السماء تشبعهم و مياه جارية من صخرة صماء ترويهم ..
البحر هايج و السفينة ح تغرق ، يقوم يسكت الريح و يهديء الامواج (متى ١٤)..

النار متقدة فى الاتون ، يحول لهيبها الي هواء عليل (دانيال ٣)..

اسود جائعة تلتهم اي انسان، يرسل ملاكه ليسد افواهها (دانيال ٦)..

اطمن يا صديقي ، ح تتحل لك من اهون سكة و من غير ما تحسبها و لا تتوقعها