كتب - محرر الاقباط متحدون
قال القس جورجيوس القمص فيلبس، كاهن كنيسة الشهيد مار جرجس بمدينة العاشر من رمضان:"هناك أمور تُفعل تجعل الأبناء لا يحبون آباءهم، فيتحدثون معهم بشكل غير لائق، ويتعاملون معهم بجفاء.
مضيفا خلال اجتماع كنسي :"فهو عايز يطلع الحب ده في أي حتة، فيروح بيت تاني يطلع فيه الحب لولاد إخواته.
ونصح :" أقول للزوج: فكرة إنك تبقى عنيف في البيت دي مش حاجة حلوة، لأن الكتاب وصانا وقال لنا: "لا تكن أسدا في بيتك".
وتابع :"يعني إنت عايز تعمل أسد، اعمل أسد في حتة تانية، لكن ما تبقاش بره البيت قطة وتيجي تخش البيت تتحول لأسد.
وواصل :"لا، خليك بره البيت أسد يا سيدي، والبيت خليك وديع، ودي مش شطارة إن عيالك يخافوا منك.
لافتا :"القصص دي بتجيلي كتير، فأقعد مع الزوج فيقول لي: عيالي ما بيحترمونيش، وامهم ما بتحترمنيش.
ونصح الزوجات :"فبقول للزوجة:احترمي جوزك، واديله حب، وخلي عياله يحبوه، وما تكرهيش العيال في أبوهم، ولا الأب في عياله.
