كتب - محرر الاقباط متحدون
أعلنت وزارة الداخلية ،القبض على مرتكبي واقعة سرقة أسورة ذهبية من المتحف المصري، موضحة ان المتهمة أخصائية ترميم بالمتحف.
علق على الواقعة المفكر والطبيب خالد منتصر، وكتب عبر حسابه على فيسبوك :"الموظفة وشركاؤها أساساً مش شايفين إن سرقة الفراعنه حرام!!شايفين ان التاريخ المصري القديم كله كفر ، وإن حلال في الناس اللي كان عندهم آلهة متعددة إننا نحطم أصنامهم ونطمس نقوشهم ونلهف أساورهم ونسرقها ، ثقافة متخلفة سرت في النخاع والروح، ده احنا وصلنا لدرجة ان فيه مرشدين سياحيين وهما بيشرحوا يقولوا استغفر الله العظيم ويقروا المعوذتين بعد ما يشرحوا أساطير وآلهة الفراعنة!!.
وتابع :"ما تستغربوش ، ما تندهشوش ، تلاقي الحاجة اللي سرقت دي كانت بتسيب الشغل في وقت الادان، ومشغلة الموبايل على تسجيلات كشك ومعلقة صورة الشعراوي وراها !،وتلاقي اللي سيحوا الإسورة وباعوها كاتبين ع الميكروباص دعاء الركوب !!، شعب كاره تاريخه القديم بطبعه.إسوره دهب فرعوني ب 180 ألف؟!!دول ما يجيبوش أربع فرد كاوتش عربية مرسيدس!!.
